اليوم يا شباب قدرت اجمع اكثر امثال جداوية المنشء
?
?
?
?
*إذا حلقوا لغيرك بل راسك وأستنا
*إيش عرف الحمير بأكل الزنجبيل
*حاجه ماتهمك وصي عليها جوز أمك
*ست وجاريتين على قلي بيضتين
*إذا تعاندوا الحمير يابخت الركاب
*أعمى ويلضم خرز
*حبيبك يمضغلك الزلط وعدوك يعدلك الغلط
*حمارتك العرجا تغنيك عن سؤال اللئيم
*دلع الكبار زي الشقدف على الحمار
*ياريتني بيضه وعرجه أصلوا البياض فرجهJ
*من محبته في عبيدو جعل العمر والرزق بيدو
*اللي ماله ام حاله يغم
*كنس بيتك ورشو ماتدري مين يخشو
*مين في حالك يالي في الظلام تغمز
*على قد زيتوا سرجلوا ما فهمت
*الخايبه تتعلق بالحبال الدايب
*عقربه في الغار ولا ضره في الدار
*الصرمه والقبقاب صارو اصحاب looool
*يا داق الموية في المهراس يا مربي وليد الناس
*أكلو ملوخيه وصاروا أفنديه
*يقطع الخل عالخردل على بياع المخلل
*ألف سبه ماتشق توب
*اهل البيت صبروا والمعزين فكرو
*وقت الكباب صكوا الباب وقت الملوخيه أجمعوا الأهليه
*إلا ما يحطك فوق راسه تاج لا تحطه في رجلك شبشب
*حزمة كرات ولا صنيعه نخولي
*سوي الخير وأرميه في بحر جاري...إذا ما تمر مع المخلوق يتمر مع الباري
*مال ماتتعب عليه يروح ما تندم عليه ( زي البونس لما نحطه في الاسهم)
( تهديد خكري )
(أعطيك باللبانة إلي في فمي أفكشك )

معاني الكلمات
*الدقديق:البطانيه
*كرويته:كرسي خشب كبير
*اللنقطه:حلاوه قديمه
*الدقيسي:مكان تحت الدرج
*المرمشه:نهش ما على العظام من بقايا اللحم
*الدردبه:الدحرجه
*اللغوصه:نقل الكلام
*اتلسلس:تباطأ
*تتكصوع:تتمايل في مشيتها
*جاعوره:البكاء بصوت عال
*حسكل:كيس من الجلد يستخدم لحفظ النقود
*حرمصه:دخول مكان ضيق نفسك تشوف إيش جوة


ابغى كل واحد يختاري احلى شي فيها ويكتبه في ردوده